Арына Сабаленка выйшла ў чвэрцьфінал турніру WTA ў Пекіне

5 кастрычніка, Мінск /Кар. БЕЛТА/. Лідар сусветнага рэйтынгу Арына Сабаленка выйшла ў чвэрцьфінальную стадыю турніру катэгорыі WTA-1000 у Пекіне з прызавым фондам $8,1 млн, паведамляе карэспандэнт БЕЛТА.

Сёння ў 1/8 фіналу Сабаленка перамагла італьянскую тэнісістку Ясмін Пааліні (36-ы нумар сусветнага рэйтынгу) - 6:4, 7:6 (7:4). У першым крузе Арына Сабаленка абыграла прадстаўніцу ЗША Сафію Кенін (31) - 6:1, 6:2, а потым адолела брытанку Кэці Бултэр (56) - 7:5, 7:6 (7:2). У чвэрцьфінальным паядынку беларуска сустрэнецца з пятай ракеткай планеты Аленай Рыбакінай з Казахстана.

Турнір у сталіцы Кітая фінішуе 8 кастрычніка.