Беларусь паставіць ва Украіну 500 МВт электраэнергіі па дагаворы аб аварыйнай дапамозе

2 лістапада, Мінск /Кар. БЕЛТА/. Беларусь па дагаворы аб аказанні аварыйнай дапамогі паставіць ва Украіну 500 МВт электраэнергіі, паведамілі БЕЛТА ў прэс-службе Міністэрства энергетыкі.

"2 лістапада з 14.00 у рамках дагавора аб аказанні аварыйнай дапамогі Беларусь пачала пастаўкі электраэнергіі ў энергасістэму Украіны магутнасцю 500 МВт. Пастаўкі ажыццяўляюцца па запыце ўкраінскага боку. Аб доўгатэрміновых камерцыйных кантрактах (акрамя заключаных раней) у гэтым выпадку размова не ідзе", - расказалі ў прэс-службе.

Пастаўкі будуць ажыццяўляцца да 21.00.