Белстат: больш як 26 тыс. сем'яў палепшылі жыллёвыя ўмовы ў 2022 годзе

30 сакавіка, Мінск /Кар. БЕЛТА/. У Беларусі больш як 26 тыс. сем'яў палепшылі жыллёвыя ўмовы ў 2022 годзе, паведамілі БЕЛТА ў Нацыянальным статыстычным камітэце.

Сярод іх 7,2 тыс. маладых сем'яў, 11,2 тыс. шматдзетных сем'яў, 1,5 тыс. сем'яў, якія маюць права на атрыманне жылых памяшканняў сацыяльнага карыстання.

На ўліку маючых патрэбу ў паляпшэнні жыллёвых умоў на канец 2022 года знаходзілася 586,9 тыс. сем'яў, што на 29,2 тыс. менш, чым на канец 2021 года. У гарадах і пасёлках гарадскога тыпу колькасць сем'яў, якія стаяць на ўліку маючых патрэбу ў паляпшэнні жыллёвых умоў, зменшылася на 25,6 тыс., у сельскіх населеных пунктах - на 3,5 тыс. сем'яў.