Больш за 66 тыс. дзяцей пройдуць лячэнне і аздараўленне на зімовых канікулах у лагерах Беларусі

19 снежня, Мінск /Кар. БЕЛТА/. Больш за 66 тыс. дзяцей пройдуць лячэнне і аздараўленне на зімовых канікулах у лагерах Беларусі. Аб гэтым журналістам паведаміў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі, перадае карэспандэнт БЕЛТА.

"Рэспубліканскі цэнтр сумесна з Міністэрствам адукацыі актыўна ўключаецца ў арганізацыю зімовых канікул з 24 снежня па 7 студзеня. Усе заяўкі бацькоў, сабраныя ўстановамі адукацыі, будуць задаволены ў поўным аб'ёме. Усе жадаючыя або маючыя ў гэтым патрэбу дзеці пройдуць аздараўленне ў перыяд зімовых канікул", - расказаў Генадзь Балбатоўскі.

Дзённыя або прышкольныя лагеры на канікулах будуць функцыянаваць не менш за 6 дзён, лагеры з кругласутачным знаходжаннем - не менш за 9 дзён. "Плануецца, што пройдуць аздараўленне і лячэнне ў нас больш як 66 тыс. дзяцей. Найбольшы попыт адзначаецца ў Мінску - больш за 12 тыс. дзяцей, крыху меншы ў Віцебскай і Мінскай абласцях - каля 10 тыс. дзяцей. Рэспубліканскім цэнтрам будзе забяспечана фінансаванне правядзення зімовых канікул, на гэта з рэспубліканскага бюджэту выдзелена больш за Br2 млн", - адзначыў кіраўнік.