Качанава правяла селектарную нараду з работнікамі медустаноў Мінска

1 жніўня, Мінск /Кар. БЕЛТА/. Под кіраўніцтвам старшыні Савета Рэспублікі Наталлі Качанавай адбылася чарговая селектарная нарада з работнікамі медустаноў Мінска. Аб гэтым БЕЛТА паведамілі ў прэс-службе верхняй палаты парламента.

У нарадзе прынялі ўдзел спецыялісты службаў хуткай меддапамогі, інфекцыйных бальніц, шпітальнага і амбулаторнага звяна.

На парадак дня нарады вынесены шырокі спектр актуальных пытанняў работы сістэмы аховы здароўя. Перш за ўсё - гатоўнасць да магчымай новай хвалі кавід-інфекцыі з улікам узрастання рэспіраторных захворванняў у цэлым у асенне-зімовы перыяд. Увага акцэнтавалася на пытаннях гатоўнасці да аказання хуткай медыцынскай дапамогі і сістэмы аховы здароўя ў цэлым, планаў работы амбулаторнага і шпітальнага звяна, вакцынацыі, у тым ліку буфернай.

Асобна разглядаліся пытанні гатоўнасці да медаглядаў і навучальнага года, дыспансерызацыі, работы медыцынскага абсталявання, пастаўкі лекавых прэпаратаў і расходных матэрыялаў. Таксама абмяркоўвалася работа з кадрамі па ўсіх напрамках - ад укамплектаванасці да ідэалагічнага складніка. У гэтым кантэксце было адзначана, што ў жніўні медыцынскія работнікі атрымаюць заработную плату ўжо з улікам устаноўленых па даручэнні кіраўніка дзяржавы стымулюючых выплат.

Паводле ацэнак спецыялістаў, медустановы працуюць у штатным рэжыме, колькасць выклікаў хуткай дапамогі невялікая. Усё неабходнае для работы ёсць.