Канцэрты, фестываль нацыянальных культур, закрыццё мотасезона. Святкаванне Дня горада ў Мінску

9 верасня, Мінск /Кар. БЕЛТА/. Бліжэйшыя выхадныя, 9-10 верасня, у Мінску праходзяць пад знакам святкавання Дня горада. Мінчан і гасцей сталіцы запрашаюць прыняць удзел у святочных мерапрыемствах, паведамляе БЕЛТА.

Так, у 11.00 пачалася ўрачыстая цырымонія ўскладання кветак да стэлы "Мінск - горад-герой".

У парку імя Горкага з 12.00 да 18.00 разгорнецца пляцоўка "Мінск маладзёжны", у парку Перамогі праходзяць VII міжнародныя спаборніцтвы "Мацнейшы пажарны-ратавальнік-2023".

На зялёнай зоне ўздоўж пр.Пераможцаў (паміж стэлай "Мінск - горад-герой" і Палацам спорту) прадставяць розныя эпохі з жыцця сталіцы на фестывалі гістарычнай рэканструкцыі "Мінск старажытны". Лакацыя будзе працаваць 9 верасня з 12.00 да 23.00, 10 верасня - з 10.30 да 12.00.

На тэрыторыі Верхняга горада на плошчы Свабоды з 12.00 да 17.00 на фестывалі нацыянальных культур можна будзе азнаёміцца з кухняй і творчасцю розных народаў.

Каля Палаца дзяцей і моладзі з 11.00 да 16.00 будзе працаваць пляцоўка "Мінск адукацыйны".

Цікавыя мерапрыемствы запланаваны каля Палаца спорту: з 12.00 да 17.00 усіх запрашаюць на Міжнародны алімпійскі дзень.

Там жа адбудзецца закрыццё мотасезона H.O.G. Rally Minsk.

У 18.00-23.00 - на святочны канцэрт да 956-годдзя горада, дзе акрамя зорак беларускай эстрады выступяць маладзёжныя калектывы. Таксама ўпершыню тут на адкрытай пляцоўцы адбудзецца цырымонія ўручэння ўзнагарод і званняў "Мінчанін года", "Ганаровы грамадзянін Мінска".

Завяршэннем вечара ў 23.00 стане маляўнічы феерверк. Яго запусцяць у скверы Старосцінская слабада.

У раёнах гулянні разгорнуцца на наступных лакацыях: у Заводскім раёне з 10.00 да 22.00 на пляцоўцы каля "Чыжоўка Арэны", у Ленінскім раёне - з 12.00 да 17.00 у Лошыцкім парку, у Маскоўскім раёне - з 11.00 да 19.00 у парку Паўлава, у Кастрычніцкім раёне - з 13.00 да 18.00 у парку "Курасоўшчына", з 15.00 да 17.00 - у мікрараёне Сокал, у Партызанскім раёне - з 12.00 да 18.00 у парку экстрэмальных відаў спорту, у Першамайскім раёне - з 12.00 да 18.00 у скверы па вул.Каліноўскага, з 12.00 да 18.00 у парку Чалюскінцаў.

Савецкі раён запрашае гасцей з 11.00 да 19.00 у сквер Мулявіна, з 16.00 да 21.00 - у Lakeside Park, Фрунзенскі раён - з 12.00 да 18.00 у парк 60-годдзя Кастрычніка, Цэнтральны раён - з 12.00 да 19.00 у парк Перамогі.

Святкаванне прадоўжыцца 10 верасня. Асноўным мерапрыемствам гэтага дня стане Мінскі паўмарафон.