Мануэль Марэра Крус: Куба будзе і ў далейшым падтрымліваць Беларусь на ўсіх міжнародных пляцоўках

10 лістапада, Мінск /Кар. БЕЛТА/. Куба будзе і ў далейшым падтрымліваць Беларусь на ўсіх міжнародных пляцоўках. Аб гэтым заявіў журналістам прэм'ер-міністр Кубы Мануэль Марэра Крус па выніках перагавораў з прэм'ер-міністрам Беларусі Раманам Галоўчанкам, перадае карэспандэнт БЕЛТА.

"Нашы краіны жывуць у рэжыме санкцый з боку Захаду, таму мы павінны быць адзіныя, каб разам процістаяць ім. На Кубе глыбока паважаюць і захапляюцца кіраўніцтвам Беларусі, асабліва Прэзідэнтам, і ўсімі дасягненнямі вашай краіны. Мы падзяляем ваш падыход, што не трэба проста наракаць на тыя ці іншыя санкцыі, трэба ў кааперацыі шукаць новыя магчымасці для развіцця двухбаковага супрацоўніцтва", - сказаў Мануэль Марэра Крус.

Паводле яго слоў, сёння з-за блакады ЗША Куба перажывае вельмі складаную сітуацыю. "Усе нашы міжурадавыя і сумесныя бізнес-праекты будуць садзейнічаць паляпшэнню якасці жыцця насельніцтва Кубы. Хацелі б шчыра падзякаваць за сімпатыю і братэрства, якія мы адчуваем з боку кіраўніцтва і народа Беларусі. Мы таксама вельмі ўдзячныя вашай краіне за яе пазіцыю на міжнародных пляцоўках з асуджэннем эканамічнай, гандлёвай і фінансавай блакады, уведзенай супраць Кубы. Куба будзе і ў далейшым падтрымліваць Беларусь на ўсіх міжнародных пляцоўках і асуджаць разнастайныя санкцыі супраць вашай краіны", - адзначыў прэм'ер-міністр Кубы.