"Менавіта на нашай зямлі сёння мір і парадак". Кубракоў адзначыў дастойную работу міліцыі

29 лютага, Мінск /Кар. БЕЛТА/. На нашай зямлі мір і парадак, і гэта меркаванне не толькі органаў правапарадку, але і нашых грамадзян і тых, хто прыязджае ў Беларусь і адчувае сябе ў бяспецы. Аб гэтым заявіў на канцэрце ў гонар Дня беларускай міліцыі ў Мінску міністр унутраных спраў Іван Кубракоў, паведамілі БЕЛТА ў прэс-службе ведамства.

"Усе масавыя палітычныя мерапрыемствы - і мінская міліцыя заўсёды на перадавой. Ва ўсе гады - у 1990-я, пасляваенныя - як бы ні было цяжка, міліцыя заўсёды забяспечвала правапарадак у краіне і рабіла гэта з гонарам. Сёння органы ўнутраных спраў, ваеннаслужачыя ўнутраных войскаў нясуць службу ў няпростых умовах. Вы ўсё цудоўна бачыце, што адбываецца вакол нашых граніц. Менавіта на нашай зямлі сёння мір і парадак. Гэта не меркаванне органаў правапарадку, гэта меркаванне нашых грамадзян і тых, хто прыязджае да нас у Беларусь і адчувае сябе ў бяспецы", - сказаў Іван Кубракоў.

Міністр падзякаваў калегам за работу і службу. "Вы яе несяце з гонарам, а самае галоўнае - якасна", - падкрэсліў кіраўнік ведамства. Да віншаванняў далучыліся начальнікі ГУУС і УУС, якія ў розныя гады ўзначальвалі мінскую міліцыю.

Іван Кубракоў таксама ўручыў узнагароды і пагоны ў сувязі з прысваеннем чарговых спецыяльных званняў супрацоўнікам, якія дасягнулі значных прафесійных вышынь.