Мінабароны: украінская ракета была знішчана пасля перасячэння дзяржграніцы Беларусі

29 снежня, Мінск /Кар. БЕЛТА/. Украінская ракета была знішчана адразу пасля перасячэння дзяржграніцы Беларусі, паведамілі БЕЛТА ў Міністэрстве абароны.

МІНАБАРОНЫ: С-300 БЫЛА ЗБІТА ВОЙСКАМІ ППА БЕЛАРУСІ

У ходзе праверачных мерапрыемстваў папярэдне ўстаноўлена, што абломкі належаць зенітнай кіруемай ракеце С-300, выпушчанай з тэрыторыі Украіны.

У МЗС БЕЛАРУСІ ВЫКЛІКАЛІ ПАСЛА УКРАІНЫ КІЗІМА, ЯМУ ЗАЯВІЛІ РАШУЧЫ ПРАТЭСТ У СУВЯЗІ З ІНЦЫДЭНТАМ З РАКЕТАЙ

Аб гэтым заявіў журналістам прэс-сакратар беларускага знешнепалітычнага ведамства Анатоль Глаз

СК БЕЛАРУСІ ЗАБРАЎ ДЛЯ ДАСЛЕДАВАННЯ АБ'ЕКТЫ З МЕСЦА ПАДЗЕННЯ ЎКРАІНСКАЙ РАКЕТЫ

Папярэдне ўстаноўлена, што знойдзеныя абломкі належаць зенітнай кіруемай ракеце С-300. Цяпер агляд прадаўжаецца, апытваюцца відавочцы. Падрабязна фіксуецца следавая карціна, збіраюцца аб'екты, якія маюць значэнне для следства і далейшага правядзення экспертных даследаванняў.

АБЛОМКІ РАКЕТЫ С-300 У ІВАНАЎСКІМ РАЁНЕ ЎПАЛІ ЗА 60 М АД КРАЙНЯГА ДОМА

На месцы здарэння па даручэнні Прэзідэнта Беларусі цяпер працуюць следчыя, спецыялісты Дзяржаўнага камітэта судовых экспертыз, Міністэрства абароны, група размініравання. Супрацоўнікі міліцыі ачапілі тэрыторыю, людзей адвялі на бяспечную адлегласць.

Камандзір зенітнага ракетнага дывізіёна расказаў, што ў ходзе выканання задач баявога дзяжурства сёння каля 10.00 сродкамі радыёлакацыйнай разведкі дывізіёна была выяўлена паветраная цэль, якая рухалася з боку Украіны. У выніку дакладных і зладжаных дзеянняў баявога разліку цэль была ўзята на суправаджэнне. Пасля перасячэння дзяржаўнай граніцы і ўваходу ў паветраную прастору цэль была знішчана ў раёне аграгарадка Гарбаха Іванаўскага раёна.