На якіх умовах у Беларусі можна атрымаць крэдыт на жыллё, расказалі ў Мінбудархітэктуры

4 кастрычніка, Мінск /Кар. БЕЛТА/. Першы намеснік міністра архітэктуры і будаўніцтва Алег Швец у YouTube-праекце БЕЛТА "Па факце: рашэнні Першага" расказаў аб тым, на якіх умовах беларусы могуць атрымаць крэдыт на будаўніцтва жылля.

Алег Швец расказаў аб развіцці ў Беларусі арэнднага жылля. "У многіх краінах 80 працэнтаў жылля арэнднае, але ў нас іншая псіхалогія. Тым не менш арэнднае жыллё развіваецца і ў нас. Калі ў 2019 годзе мы ўводзілі 113 тыс. кв.м, то ў гэтым годзе плануем увесці 300 тыс. кв.м арэнднага жылля", - расказаў Алег Швец.

Ён таксама адзначыў магчымасці крэдытавання асоб, якія знаходзяцца на ўліку маючых патрэбу ў паляпшэнні жыллёвых умоў. "Для такіх асоб ёсць дзве магчымасці крэдытавання. Згодна з указам нумар 13 яны могуць атрымаць крэдыт да 20 гадоў. Калі размова ідзе пра сірот і шматдзетныя сем'і, то гэты тэрмін можа складаць да 40 гадоў. Стаўка - ад 1 працэнта да 5 працэнтаў. Згодна з указам нумар 240 крэдыт можа быць прадастаўлены на тэрмін да 20 гадоў, стаўка - 12,5 працэнта гадавых", - падкрэсліў першы намеснік міністра архітэктуры і будаўніцтва.

Праект створаны за кошт сродкаў мэтавага збору на вытворчасць нацыянальнага кантэнту.