Старавойтава: у Кодэксе аб адукацыі ўлічылі прапановы бацькоў і педагогаў

2 лютага, Мінск /Кар. БЕЛТА/. Сістэма адукацыі дынамічная, яна пастаянна развіваецца і ўдасканальваецца ва ўсім свеце, заявіла ў праекце "У тэме" на YouTube-канале БЕЛТА першы намеснік міністра адукацыі Ірына Старавойтава.

"Ідзе пошук новых падыходаў і рашэнняў, як зрабіць сістэму адукацыі найбольш спрыяльнай для дзіцяці. Таму тыя навацыі, якія з'явіліся ў кодэксе, - гэта вынік абмеркаванняў і маніторынгу. Важна, што многія прапановы ў Кодэкс аб адукацыі ўзніклі не ў сценах міністэрства: мы ўлічылі патрэбнасці педагогаў і бацькоў, якія яны агучвалі", - паведаміла першы намеснік міністра.

Яна адзначыла: далей быў сур'ёзны аналіз магчымых эфектаў пасля ўкаранення гэтых навацый, у прыватнасці таго, што палепшыцца пасля прыняцця змененага кодэкса.

"Кодэкс - вельмі чаканы для нас дакумент. Ён быў вельмі неабходны сістэме адукацыі. Але за кодэксам прыйдуць следам іншыя змяненні - нарматыўна-прававыя, якія рэгулююць механізмы рэалізацыі гэтай нормы. Як яна будзе рэалізавана, наколькі правільна мы яе прапішам у нарматыўна-прававых дакументах, не менш важна, чым сам кодэкс", - падкрэсліла Ірына Старавойтава. Яна паведаміла, што гэта пытанне плануецца вырашыць да 1 верасня.