Цуран: у час збору подпісаў за прэтэндэнтаў у кандыдаты агітацыя забаронена

11 снежня, Мінск /Кар. БЕЛТА/. У час збору подпісаў за прэтэндэнтаў у кандыдаты агітацыя забаронена, паведаміў на круглым стале на тэму "Асаблівасці правядзення маючай адбыцца выбарчай кампаніі" ў прэс-цэнтры БЕЛТА намеснік старшыні Мінгарвыканкама Арцём Цуран.

"Збор подпісаў ідзе ў месцах, якія вызначаны мясцовымі органамі ўлады. Мы плануем у бліжэйшы час прыняць гэты дакумент на ўзроўні Мінгарвыканкама, як і ўсе нашы калегі з іншых рэгіёнаў, - расказаў Арцём Цуран. - У час перыяду вылучэння прэтэндэнтаў у кандыдаты прадугледжваецца магчымасць збору подпісаў не толькі па кватэрах, але і ў іншых незабароненых месцах. Месцы, дзе збор подпісаў забаронены, будуць апублікаваны. А ў астатнім на тэрыторыі горада гэта будзе магчыма".

Намеснік старшыні канстатаваў: у час збору подпісаў агітацыя забаронена. "Яшчэ не стаўшы кандыдатамі ў дэпутаты, некаторыя прэтэндэнты праводзяць ужо агітацыйныя мерапрыемствы. Таму важна зразумець, што ў гэты перыяд магчымы толькі збор подпісаў за прэтэндэнта шляхам абходу або пікетавання з магчымасцю для выбаршчыка вывучэння біяграфічных даных аб кандыдаце без правядзення агітацыі", - падкрэсліў ён. - Гэты перыяд пачнецца з 17 снежня і прадоўжыцца да 15 студзеня".