У 2023 годзе санаторна-курортнае лячэнне і аздараўленне ў Беларусі атрымалі больш за 1,4 млн чалавек

18 сакавіка, Мінск /Кар. БЕЛТА/. У 2023 годзе санаторна-курортнае лячэнне і аздараўленне ў Беларусі атрымалі больш за 1,485 млн чалавек. Аб гэтым расказаў намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва Аляксандр Цай у праекце БЕЛТА "Краіна гаворыць".

Лячэбна-аздараўленчы комплекс Беларусі функцыянуе стабільна з дадатным эканамічным вынікам. "У 2023 годзе ўсе фінансавыя і эканамічныя паказчыкі, якія мы аналізуем, адносна 2022 года былі перавышаны, а таксама быў перавышаны дапандэмійны найбольш паспяховы 2019 год", - заявіў Аляксандр Цай.

Па агульнай колькасці чалавек, якія прайшлі аздараўленне, у мінулым годзе пастаўлены чарговы маленькі рэкорд, дадаў ён. "У здраўніцах Беларусі ў мінулым годзе прайшлі санаторна-курортнае лячэнне і аздараўленне больш за 1,485 млн чалавек. Гэта не толькі беларусы, але і замежныя грамадзяне. Гэта на 60 тыс. чалавек больш, чым у 2022 годзе. Попыт быў вельмі высокі. Па агульнай выручцы ад рэалізацыі паслуг мы прыраслі на 23 працэнты, яна склала больш за Br1,079 млрд - гэта рэкордны паказчык. Да такой лічбы мы крыху набліжаліся ў 2022 годзе і вось у 2023 годзе нарэшце перавысілі выручку Br1 млрд", - расказаў намеснік дырэктара.