У Беларусі пачалася сяўба яравога рапсу

8 красавіка, Мінск /Кар. БЕЛТА/. У Беларусі пачалася сяўба яравога рапсу. Аб гэтым паведамілі БЕЛТА ў Міністэрстве сельскай гаспадаркі і харчавання.

Яравыя культуры пасеяны на 432,1 тыс. га - гэта 18,7 працэнта ад плана. Раннія яравыя збожжавыя і зернебабовыя культуры (без кукурузы, грэчкі, проса) пасеяны на 372,3 тыс. га, што складае 62,5 працэнта да плана. У Брэсцкай вобласці гэтыя культуры пасеяны на плошчы 96,6 тыс. га, Віцебскай - 25,5 тыс. га, Гомельскай - 56,6 тыс. га, Гродзенскай - 72,1 тыс. га, Мінскай - 68,3 тыс. га, Магілёўскай - 53,2 тыс. га. Цукровыя буракі пасеяны на плошчы 8,72 тыс. га, што складае 8,45 працэнта.

У краіне таксама пачалася сяўба яравога рапсу. Гэту культуру пасеялі ўжо на плошчы 1,33 тыс. га, што складае 3,2 працэнта ад запланаваных аб'ёмаў. Сяўба стартавала ў Віцебскай, Гомельскай, Гродзенскай і Магілёўскай абласцях.

Аднагадовыя травы пасеяны на 42,1 тыс. га плошчаў (20,8 працэнта ад плана). Пасеяна лёну на 6,96 тыс. га (14 працэнтаў ад плана). Глеба пад сяўбу ранніх яравых падрыхтавана на 615,7 тыс. га (26,6 працэнта да плана).