Золатавалютныя рэзервы Беларусі на 1 лістапада склалі $8,147 млрд

3 лістапада, Мінск /Кар. БЕЛТА/. Міжнародныя рэзервовыя актывы Беларусі на 1 лістапада 2023 года, паводле папярэдніх даных, склалі $8,1471 млрд у эквіваленце. Адпаведная інфармацыя апублікавана на сайце Нацыянальнага банка, паведамляе БЕЛТА.

За кастрычнік 2023 года золатавалютныя рэзервы выраслі на $221,1 млн (на 2,8 працэнта) пасля зніжэння ў верасні на $66,2 млн (на 0,8 працэнта).

Найбольшую долю ў структуры міжнародных рэзервовых актываў Беларусі займаюць актывы ў замежнай валюце і манетарнае золата. Паводле даных Нацбанка, аб'ём замежнай валюты ў рэзервах на 1 лістапада бягучага года склаў $3,3312 млрд, павялічыўшыся за кастрычнік на $0,5 млн (на 0,015 працэнта), аб'ём манетарнага золата - $3,456 млрд, павялічыўшыся на $217,9 млн (на 6,7 працэнта).

Згодна з асноўнымі напрамкамі грашова-крэдытнай палітыкі на 2023 год, аб'ём міжнародных рэзервовых актываў Беларусі на 1 студзеня 2024 года павінен скласці не менш як $6 млрд.