Золатавалютныя рэзервы Беларусі за лістапад выраслі на 2,7 працэнта да $7,797 млн

7 снежня, Мінск /Кар. БЕЛТА/. Міжнародныя рэзервовыя актывы Беларусі на 1 снежня 2022 года, паводле папярэдніх даных, склалі $7 797,7 млн у эквіваленце, паведамілі БЕЛТА ва ўпраўленні інфармацыі і грамадскіх сувязей Нацыянальнага банка.

За лістапад золатавалютныя рэзервы выраслі на $207,9 млн (2,7 працэнта) пасля павелічэння ў кастрычніку на $86,5 млн (на 1,1 працэнта).

"Са жніўня 2022 года інфармацыя аб аб'ёме міжнародных рэзервовых актываў публікуецца на афіцыйным сайце Нацыянальнага банка без дэталізацыі іх структуры, а таксама ўказання фактараў, што паўплывалі на іх змяненне", - удакладнілі ў Нацбанку.