13
сакавіка ў Свіслацкай раённай бібліятэцы ў рамках сумеснага праекта з
аддзяленнем сацыяльнай рэабілітацыі, абілітацыі інвалідаў “Тэрыторыя
пазнання”адбыўся ўрок духоўнасці “Дзе вера, там і
сіла”,
прымеркаваны да Дня праваслаўнай кнігі. Ва ўступным
словебібліятэкар раскрыла сэнс паняццяў “вера”, “дабро” і “зло”, расказала пра
праявы дабрыні, міласэрнасці, узаемаразумення, павагі, добразычлівасці людзей у
адносінах адзін да аднаго.
Запрошаны на сустрэчу іерэй храма
Узвіжання Крыжа Гасподняга ў Свіслачы Дзіянісій Чарняеў растлумачыў, што
праваслаўе – гэта цэлы свет са сваёй унікальнай мовай, часта незразумелай тым
людзям, якія далёкія ад веры. Дапамагчы зразумець гэтую цудоўную мову
дапамагаюць праваслаўныя кнігі з разнастайнай духоўнай тэматыкай. Айцец Дзіянісій
адказаў на ўсе пытанні, а таксама ў гонар свята Дня праваслаўнай кнігі падарыў
Свіслацкай раённай бібліятэцы кнігу “Пра Бога і веру. Гутаркі для дзяцей і
бацькоў”.
У завяршэнні мерапрыемства прысутным
была прадстаўлена тэматычная выстава “Свет веры і духоўнасці” і зроблены агляд
літаратуры.