Да Дня народнага адзінства 13 верасня ў Свіслацкай
раённай бібліятэцы з вучнямі 11 класа гімназіі №1 прайшла гутарка-дыялог
“Непераможная краіна – калі адзін народ”. Рабятам расказалі пра гісторыю гэтага
свята, пра гераічныя старонкі гісторыі нашай рэспублікі, пра знакамітых
беларусаў, аб традыцыях, сімвалах і славутасцях Беларусі. Навуковы супрацоўнік
Свіслацкага гісторыка-краязнаўчага музея Жук Людміла Георгіеўна з дапамогай
электроннай прэзентацыі раскрыла тэму “Свіслаччына ў складзе Польшчы 1921-1939
гг.”. Галоўны спецыяліст сектара культуры Свіслацкага райвыканкама Варанец Іван
Іванавіч расказаў прысутным, што стала пачаткам уз’яднання Заходняй і Усходняй
Беларусі, што гэтаму папярэднічала. Напрыканцы мерапрыемства старшакласнікаў
пазнаёмілі з тэматычнай выставай “У сям'і адзінай”, дзе прадстаўлены кнігі,
прысвечаныя тэме народнага адзінства.