9 чэрвеня, Мінск /Кар. БЕЛТА/. Акрэдытацыя замежных СМІ для асвятлення ІІ Гульняў краін СНД стартуе 12 чэрвеня. Аб гэтым карэспандэнту БЕЛТА паведамілі ў МЗС Беларусі.
Замежным журналістам, якія плануюць асвятляць маштабную спартыўную падзею, неабходна прайсці часовую акрэдытацыю пры ведамстве да 14 ліпеня. У заяўцы ў графе "Дадатковая інфармацыя" неабходна пазначыць - "Асвятленне ІІ Гульняў краін СНД".
Дакументы павінны быць складзены згодна з выстаўленымі патрабаваннямі. Заяўкі, якія не адпавядаюць патрабаванням, да разгляду не прымаюцца.
Журналісты, якія маюць сапраўдную пастаянную акрэдытацыю пры МЗС Беларусі, таксама павінны да 14 ліпеня накіраваць заяўку ў прэс-службу МЗС. Ім неабходна пазначыць пашпартныя даныя, назву СМІ, пасаду і нумар акрэдытацыйнага пасведчання МЗС.
У ведамстве адзначылі, што праход акрэдытаваных прадстаўнікоў СМІ і інтэрнэт-рэсурсаў на падзеі Гульняў будзе ажыццяўляцца пасля прад'яўлення спецыяльнага пропуска, які выдае Арганізацыйны камітэт Гульняў. Гэты бэйдж выдаецца на аснове спіса акрэдытаваных беларускіх і замежных журналістаў. Для яго атрымання неабходна будзе прад'явіць дакумент, які засведчвае асобу.