27 мая, Мінск /Кар. БЕЛТА/. Кіраўнік дзяржавы Аляксандр Лукашэнка прыняў з дакладам кіраўніка спраў Прэзідэнта Беларусі Віктара Шэймана. Аб гэтым БЕЛТА паведамілі ў прэс-службе беларускага лідара.
Віктар Шэйман далажыў аб стане спраў у арганізацыях і прадпрыемствах Кіраўніцтва справамі Прэзідэнта. Па выніках першага квартала бягучага года спрацавалі добра: у плюс выйшлі сельская гаспадарка, прамысловасць, будаўнічая галіна, лесаперапрацоўка. Было адзначана, што пазітыўныя зрухі ёсць і ў турыстычнай дзейнасці. Напрыклад, санаторый "Юнацтва" выйшаў на паказчыкі дакавіднага перыяду. І ў цэлым санаторыі сістэмы Кіраўніцтва справамі паказваюць нядрэнныя вынікі.
Адначасова былі разгледжаны перспектывы далейшай работы, новыя напрамкі.
На сустрэчы таксама абмяркоўвалася супрацоўніцтва з краінамі Афрыкі і Лацінскай Амерыкі. З улікам існуючай абстаноўкі і ўзмацнення націску на Беларусь пастаўлена задача актыўнага выхаду на новыя напрамкі работы ў афрыканскім, лацінаамерыканскім і азіяцкім рэгіёнах.-0-
