5 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў закон "Аб змяненні закона Рэспублікі Беларусь "Аб асновах дзяржаўнай маладзёжнай палітыкі". Аб гэтым БЕЛТА паведамілі ў прэс-службе кіраўніка дзяржавы.
Дакументам удакладнены падыходы да аказання падтрымкі маладзёжным грамадскім арганізацыям шляхам выдзялення на конкурснай аснове бюджэтных сродкаў на рэалізацыю маладзёжных ініцыятыў, якія зыходзяць ад такіх арганізацый і (або) ініцыятыўных груп з ліку маладых грамадзян.
У якасці меры па фарміраванні здаровага ладу жыцця моладзі замацоўваецца забарона на рэалізацыю непаўналетнім электронных сістэм курэння, вадкасцей для іх, сістэм для спажывання тытуню.
У адпаведнасці з законам таксама пашыраны паўнамоцтвы Міністэрства адукацыі ў сферы дзяржаўнай маладзёжнай палітыкі.