30 жніўня, Масква /Эдуард Півавар - БЕЛТА/. Беларусь і Расія паказваюць эканамічную з'яднанасць і імкнуцца забяспечваць тэхналагічны суверэнітэт. Аб гэтым заявіў журналістам дзяржаўны сакратар Саюзнай дзяржавы Дзмітрый Мезенцаў, каменціруючы паказчыкі гандлёва-эканамічнага супрацоўніцтва дзвюх краін, паведамляе карэспандэнт БЕЛТА.
"Практычныя рэзультаты маштабнай сумеснай работы ў фарматах Саюзнай дзяржавы паказалі, што сёння нашы краіны ўмеюць вырашаць самыя складаныя пытанні, раўнапраўна дагаворваючыся, улічваючы нацыянальныя інтарэсы адзін аднаго, забяспечваючы вырашэнне задач, якія паслядоўна і маштабна вызначаюць Прэзідэнт Расіі Уладзімір Пуцін і Прэзідэнт Беларусі Аляксандр Лукашэнка", - сказаў Дзмітрый Мезенцаў.
Ён нагадаў, што новую практыку эканамічнай інтэграцыі дзвюх краін, аб'яднаных саюзным дагаворам, вызначылі рашэнні Вышэйшага дзяржаўнага савета Саюзнай дзяржавы ад 4 лістапада 2021 года, калі былі зацверджаны 28 саюзных праграм. "Гэта ўзаемаўвязаны, збалансаваны стратэгічны план узаемадзеяння на гады наперад", - адзначыў дзяржсакратар.
"Пашырэнне супрацоўніцтва ў прамысловасці, сельскай гаспадарцы, нафтахіміі, у сферы паслуг і паспяховае ўзаемадзеянне на рэгіянальным узроўні прынцыпова забяспечваюць паступальны рост узаемнага тавараабароту Беларусі і Расіі - у 1 паўгоддзі 2023 года дасягнута павелічэнне на 16,9 працэнта да аналагічнага перыяду 2022 года, пры гэтым аб'ём экспарту тавараў з Беларусі ў Расію за названы перыяд вырас на 37,7 працэнта", - канстатаваў Дзмітрый Мезенцаў.
"Сёння бакі рэалізуюць таксама 16 зацверджаных сумесных праектаў у прамысловасці. Абмяркоўваюцца сумесныя ініцыятывы ў авіябудаванні, вытворчасці абсталявання і камплектуючых для прадпрыемстваў аўтамабільнага і сельгасмашынабудавання, па шэрагу іншых напрамкаў. Прадаўжаецца работа па ўмацаванні адзіных асноў эканамічнай інтэграцыі, - расказаў дзяржсакратар. - Значна, што ў 2022-2023 гадах падпісаны чатыры важнейшыя міжурадавыя пагадненні: аб адзінай прамысловай палітыцы; аб прызнанні тэхналагічных аперацый на тэрыторыі Саюзнай дзяржавы; аб развіцці мікраэлектронных тэхналогій, праектавання і вытворчасці электроннай кампанентнай базы і электроннага машынабудавання; аб развіцці станкаінструментальнай прамысловасці".
"На новым этапе эканамічнай інтэграцыі дзве краіны, аб'яднаныя саюзным дагаворам, паказваюць з'яднанасць, дабіваюцца большай канкурэнтаздольнасці, імкнуцца забяспечваць нацыянальны тэхналагічны суверэнітэт. Нашы адносіны маюць і свой асаблівы важнейшы рэсурс - гэта давер, узаемаразуменне і адкрыты дыялог", - рэзюмаваў Дзмітрый Мезенцаў.