14 снежня, Мінск /Кар. БЕЛТА/. У Мінсельгасхарчы падвялі вынікі рэалізацыі дамоўленасцей дэлегацый Ленінградскай вобласці і Краснадарскага края Расійскай Федэрацыі з Беларуссю ў 2023 годзе. Аб гэтым паведамілі БЕЛТА ў прэс-службе міністэрства.
"З Ленінградскай вобласцю наладжаны ўзаемныя пастаўкі племянной прадукцыі. Таксама з Беларусі пастаўляюцца кармы для каштоўных парод рыб і малёк фарэлі. Акрамя таго, у 2024 годзе плануецца закласці дэманстрацыйныя палі з беларускімі сартамі насення, для іх наступнай рэалізацыі", - адзначылі ў прэс-службе Мінсельгасхарча.
Пры гэтым 120 спецыялістаў з Краснадарскага края навучаліся на базе племзавода вучэбна-доследнай гаспадаркі "Краснадарскае" Кубанскага дзяржаўнага аграрнага ўніверсітэта. З Краснадарскага края ў Беларусь ажыццяўляюцца пастаўкі запасных частак і расходных матэрыялаў для жывёлагадоўчага абсталявання, у далейшым - пастаўкі абсталявання для чатырох гаспадарак. Праводзіцца актыўная работа па стварэнні сумесных гібрыдаў кукурузы і сланечніка.