Ананіч: наш сцяг - гэта пераемнасць пакаленняў, фундаментальная каштоўнасць

26 мая, Мінск /Кар. БЕЛТА/. Наш сцяг - гэта пераемнасць пакаленняў, наша фундаментальная каштоўнасць. Аб гэтым сказала журналістам намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Лілія Ананіч, перадае карэспандэнт БЕЛТА. "Тое, што сёння адбываецца ў геапалітычнай прасторы ў адносінах да нашай краіны, - гэта парушэнне міжнароднага права, яўны націск на краіну. Гэта фактычна замах на суверэнітэт і незалежнасць дзяржавы. Тое, што мы ўбачылі ў гэтых абуральных інцыдэнтах, калі падымаецца замест дзяржаўнага сцяга нашай краіны сцяг фашысцкіх калабарантаў, - гэта добра спланаваныя дзеянні па ўкараненні ў свядомасць, што ў Беларусі павінен быць іншы сцяг", - сказала Лілія Ананіч. Паводле яе слоў, наш сцяг - гэта пераемнасць пакаленняў. "Наш сцяг - гэта наша фундаментальная каштоўнасць. Менавіта пад гэтым сцягам Беларусь дасягнула ўражальных поспехаў за такі кароткі гістарычны перыяд, - адзначыла дэпутат. - У нашай гісторыі не раз было, калі наш народ знаходзіўся ў найцяжэйшых выпрабаваннях. Але яго з'яднанасць і адзінства заўсёды прыносілі перамогу. Так будзе і на гэты раз. Таму сёння ад кожнага залежыць будучыня нашай суверэннай, незалежнай краіны". Сустрэча Прэзідэнта Беларусі Аляксандра Лукашэнкі з парламентарыямі, членамі Канстытуцыйнай камісіі і прадстаўнікамі органаў дзяржаўнага кіравання праходзіць у Авальнай зале Дома ўрада. "Я думаю, што не толькі дэпутаты, але і ўсе грамадзяне нашай краіны чакалі выступлення кіраўніка дзяржавы. Упэўнена, гэта будзе сумленная, адкрытая размова па самых галоўных пытаннях, актуальных для нашай краіны", - дадала парламентарый.