Беларуска Ірына Курачкіна заваявала алімпійскае серабро ў жаночай барацьбе

5 жніўня, Токіа /Кар. БЕЛТА/. Беларуска Ірына Курачкіна стала сярэбраным прызёрам Алімпіяды ў жаночай барацьбе, перадае карэспандэнт БЕЛТА. У фінальным паядынку за чэмпіёнскі тытул у вагавой катэгорыі 57 кг Ірына Курачкіна прайграла японцы Рысака Каваі. Японка, як і належыць фаварыту, пачала актыўна, перавёўшы беларуску ў партэр, а затым да перапынку парыруючы атакі і захоўваючы перавагу на два балы. Пасля перапынку японка зноў правяла выніковую атаку і выштурхнула саперніцу за дыван - 0:3. Затым быў яшчэ адзін тэйкдаўн ад Рысака Каваі, якая захавала перавагу да фінальнага свістка. Бронзавыя ўзнагароды на рахунку амерыканкі Хелен Маруліс і Эвеліны Нікалавай з Балгарыі.