Чацвёртыя Еўрапейскія гульні плануецца правесці ў Стамбуле ў 2027 годзе

29 сакавіка, Мінск /Кар. БЕЛТА/. Выканаўчы камітэт Еўрапейскіх алімпійскіх камітэтаў (ЕАК) адобрыў ініцыятыву правядзення IV Еўрапейскіх гульняў у Стамбуле ў 2027 годзе. Аб гэтым паведамілі БЕЛТА ў прэс-службе Нацыянальнага алімпійскага камітэта. Канчатковае рашэнне аб месцы правядзення Гульняў плануецца зацвердзіць у час работы генеральнай асамблеі ЕАК, якая пройдзе 6-7 чэрвеня ў Бухарэсце. Першыя Еўрапейскія гульні адбыліся ў 2015 годзе ў Баку, у 2019 годзе другія Гульні з поспехам прайшлі ў Мінску, а ў 2023-м іх прымаў Кракаў.