Чатыры медалі выйгралі беларускі на этапе КС па мастацкай гімнастыцы ў Сафіі

29 сакавіка, Мінск /Кар. БЕЛТА/. Чатыры ўзнагароды выйгралі беларускія спартсменкі на этапе Кубка свету па мастацкай гімнастыцы ў Сафіі, паведамілі БЕЛТА ў прэс-службе Беларускай асацыяцыі гімнастыкі. Бронзавую ўзнагароду ў мнагабор'і заваявала Аліна Гарнасько. Гэту медаль ёй прынесла ацэнка 96,150 бала. За крок ад п'едэстала спынілася яшчэ адна прадстаўніца Беларусі Настасся Салас - 93,250 бала. Залатую ўзнагароду ў мнагабор'і выйграла ізраільская спартсменка Ліной Ашрам - 98,450 ачка. Другое месца заняла балгарская грацыя Барана Калейн - 98,250 пункта. Яшчэ тры сярэбраныя ўзнагароды беларускі заваявалі ў фіналах асобных відаў. У кампазіцыі з абручом ярка паказала сябе Настасся Салас, якая заваявала серабро з ацэнкай 26,100 бала. Медаль аналагічнай вартасці папоўніла яе калекцыю ўзнагарод і пасля выступлення са стужкай - 21,600 бала. Абодва разы апярэдзіць беларускую спартсменку змагла толькі Барана Калейн. Яшчэ адну сярэбраную ўзнагароду выйграла для зборнай Беларусі Аліна Гарнасько. Яна стала другой у кампазіцыі з мячом - 25,850 бала. Больш набрала толькі ізраільцянка Ліной Ашрам (26,500). У Сафіі выступалі грацыі з 37 краін. Наперадзе ў гімнастак другі ў сезоне этап Кубка свету, які адбудзецца 16-18 красавіка ў Ташкенце.