КДК адкрые з 22 жніўня гарачую лінію па пытаннях падрыхтоўкі дзяцей да школы

21 жніўня, Мінск /Кар. БЕЛТА/. Камітэт дзяржаўнага кантролю з 22 па 24 жніўня адкрывае гарачую лінію па пытаннях падрыхтоўкі дзяцей да школы. Аб гэтым БЕЛТА паведамілі ў КДК. Беларусы могуць праінфармаваць аб праблемах, якія ўзнікаюць пры зборы дзяцей у школу або набыцці неабходных тавараў; аб адсутнасці ў продажы неабходнага асартыменту тавараў для дзяцей дашкольнага і школьнага ўзросту; аб даступнасці цэн на школьныя тавары; аб якасці набываемай прадукцыі. Паведамленні на кароткі нумар 191 будуць прымацца з 9.00 да 13.00 і з 14.00 да 18.00.