Мінімальная зарплата ў Беларусі з 1 студзеня вырасце да Br554

9 снежня, Мінск /Кар. БЕЛТА/. Месячная мінімальная зарплата ў Беларусі з 1 студзеня вырасце да Br554. Гэта прадугледжана пастановай Савета Міністраў ад 8 снежня 2022 года нумар 854, паведамляе БЕЛТА са спасылкай на Нацыянальны прававы інтэрнэт-партал. Прававы акт прыняты ў адпаведнасці з законам ад 17 ліпеня 2002 года нумар 124-З "Аб устанаўленні і парадку павышэння мінімальнай заработнай платы". З 1 студзеня 2022 года месячная мінімальная заработная плата складала Br457.