Нас аб'ядноўвае родная зямля: аўтапрабег "Сімвал адзінства" фінішаваў на Кургане Славы

Больш за 6 тыс. км, 118 раёнаў Беларусі за 13 дзён - рэспубліканскі аўтапрабег "Сімвал адзінства" фінішаваў на Кургане Славы. Аўтапрабег стартаваў ад сцен Брэсцкай крэпасці 3 верасня і праходзіў па 15 верасня з перадачай эстафеты ад адной вобласці да іншай. Кожны рэгіён перадаваў удзельнікам аўтапрабегу імянныя мяшочкі са збожжам новага ўраджаю, якія сталі сімвалам аб'яднання і яднання.