Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным па белым
Белым па чорным
Свіслацкі раённы выканаўчы камітэт
Галоўная / Навiны / Навiны рэспублiкi
23.02.2021

"Наша армія - надзейны шчыт дзяржавы" - Лукашэнка павіншаваў беларусаў з Днём абаронцаў Айчыны

23 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў, ветэранаў, салдат, сяржантаў, прапаршчыкаў і афіцэраў з Днём абаронцаў Айчыны і Узброеных Сіл Беларусі. Аб гэтым БЕЛТА паведамілі ў прэс-службе кіраўніка дзяржавы. Аляксандр Лукашэнка падкрэсліў, што гэта сапраўды ўсенароднае свята, якое аб'ядноўвае многія пакаленні беларусаў у беззапаветным служэнні Радзіме. "У краіне створана прафесійная, добра аснашчаная мабільная армія, здольная спыніць любога агрэсара. Яна надзейны шчыт дзяржавы, вырашальны фактар ажыццяўлення яе бяспекі і тэрытарыяльнай цэласнасці", - гаворыцца ў віншаванні. Прэзідэнт адзначыў, што кожны год у Беларусі ў армейскі строй становяцца тысячы маладых людзей, сапраўдных патрыётаў, якія верныя прысязе, шануюць пераможныя традыцыі ветэранаў і памяць загінулых за свабоду народа. "Няхай доблесць і адвага герояў Вялікай Айчыннай вайны, мужнасць і стойкасць воінаў-інтэрнацыяналістаў служаць прыкладам для ўсіх, хто сёння з гонарам выконвае свой воінскі абавязак", - пажадаў кіраўнік дзяржавы. Віншаванне Прэзідэнта з Днём абаронцаў Айчыны і Узброеных Сіл Беларусі Паважаныя суайчыннікі! Дарагія ветэраны! Таварышы салдаты, сяржанты, прапаршчыкі і афіцэры! Віншую вас з Днём абаронцаў Айчыны і Узброеных Сіл Рэспублікі Беларусь. Гэта сапраўды ўсенароднае свята, якое аб'ядноўвае многія пакаленні беларусаў у беззапаветным служэнні Радзіме. У краіне створана прафесійная, добра аснашчаная мабільная армія, здольная спыніць любога агрэсара. Яна надзейны шчыт дзяржавы, вырашальны фактар ажыццяўлення яе бяспекі і тэрытарыяльнай цэласнасці. Кожны год у Беларусі ў армейскі строй становяцца тысячы маладых людзей, сапраўдных патрыётаў, якія верныя прысязе, шануюць пераможныя традыцыі ветэранаў і памяць загінулых за свабоду народа. Няхай доблесць і адвага герояў Вялікай Айчыннай вайны, мужнасць і стойкасць воінаў-інтэрнацыяналістаў служаць прыкладам для ўсіх, хто сёння з гонарам выконвае свой воінскі абавязак. Жадаю вам моцнага здароўя, дабра і міру. Аляксандр Лукашэнка.