Не менш за 40 працэнтаў насельніцтва плануюць прышчапіць супраць грыпу ў Беларусі

29 верасня, Мінск /Кар. БЕЛТА/. Не менш за 40 працэнтаў насельніцтва і не менш за 75 працэнтаў з груп высокай рызыкі заражэння плануецца прышчапіць супраць грыпу ў гэтым годзе ў Беларусі, паведамляе БЕЛТА са спасылкай на прэс-службу Міністэрства аховы здароўя. У першую чаргу размова ідзе пра дзяцей ва ўзросце ад 6 месяцаў да 3 гадоў, дзяцей ад 3 гадоў з хранічнымі захворваннямі, дарослых з хранічнымі захворваннямі і імунадэфіцытнамі станамі, людзей старэйшых за 65 гадоў, цяжарных, педагогаў, медыкаў. Вакцынацыя будзе праводзіцца як бясплатна, так і платна. Імунізацыя сапраўды эфектыўная, падкрэслілі ў Міністэрстве аховы здароўя. Назіранні паказалі, што невакцынаваныя людзі ў мінулым годзе на грып хварэлі ў 9,6 раза часцей, чым прышчэпленыя. Сярод людзей, у якіх грып быў пацверджаны лабараторна, 98 працэнтаў не былі прышчэплены. У Міністэрстве аховы здароўя таксама адзначылі, што сітуацыя па захваральнасці як на COVID-19, так і на ВРВІ знаходзіцца пад кантролем. Вакцынацыя супраць грыпу ў 2022 годзе будзе праходзіць на фоне пандэміі, якая прадаўжаецца, і праводзімай вакцынацыі супраць COVID-19. Згодна з распрацаваным Міністэрствам аховы здароўя парадкам вакцынацыі супраць COVID-19, дапускаецца сумеснае (у адзін дзень) прымяненне вакцын супраць грыпу і COVID-19 (за выключэннем жывых вакцын) альбо неабходна захаваць мінімальны інтэрвал два тыдні паміж увядзеннем дзвюх вакцын.