Прамысловасць і сельская гаспадарка ў студзені прадэманстравалі рост - Галоўчанка

23 лютага, Мінск /Кар. БЕЛТА/. Прамысловасць і сельская гаспадарка ў студзені прадэманстравалі рост. Аб гэтым заявіў прэм'ер-міністр Раман Галоўчанка ў час пасяджэння Савета Міністраў, перадае карэспандэнт БЕЛТА. "ВУП у студзені склаўся на ўзроўні 101,3 працэнта да аналагічнага перыяду мінулага года. Нядрэнны вынік дасягнуты ў прамысловасці - 108,5 працэнта. Станоўча спрацавала сельская гаспадарка - 100,2 працэнта. Пры гэтым аб'ём інвестыцый пакуль складваецца ніжэйшы за ўзровень мінулага года (94,7 працэнта), у першую чаргу за кошт зніжэння інвестыцыйных затрат", - сказаў Раман Галоўчанка. "Паглыбляючыся ў вырашэнне бягучых пытанняў, мы не павінны выпускаць з-пад увагі галоўныя вектары, якія залажылі на новую пяцігодку. Гэта стымуляванне спажывання і рацыянальнае імпартазамяшчэнне, разгортванне новага інвестыцыйнага цыкла і рэалізацыя экспартнай стратэгіі", - падкрэсліў прэм'ер-міністр.