Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным па белым
Белым па чорным
Свіслацкі раённы выканаўчы камітэт
Галоўная / Навiны / Навiны рэспублiкi
23.06.2023

Томас Бах: Макрон пагадзіўся з удзелам беларусаў і расіян у Алімпіядзе 2024 года

22 чэрвеня, Мінск /Кар. БЕЛТА/. Прэзідэнт Францыі Эмануэль Макрон у час сустрэчы з кіраўніком Міжнароднага алімпійскага камітэта (МАК) пацвердзіў прыхільнасць да выступлення беларускіх і расійскіх спартсменаў у нейтральным статусе на Алімпіядзе 2024 года ў Парыжы. Аб гэтым заявіў сам Томас Бах на пазачарговай сесіі МАК, піша ТАСС. Два тыдні таму Томас Бах у час сустрэчы з французскім лідарам абмяркоўваў пазіцыю G7 і падыход МАК па гэтым пытанні. Бакі пацвердзілі згоду і тое, што МАК у патрэбны час прыме рашэнне аб допуску беларускіх і расійскіх спартсменаў. Томас Бах і Эмануэль Макрон дамовіліся прадоўжыць супрацоўніцтва па гэтым пытанні. Паводле слоў Томаса Баха, пазіцыю МАК падтрымлівае пераважная большасць міжнароднай супольнасці. "Яна разумее, з якой складанай сітуацыяй сутыкнуўся спорт, і падтрымлівае нашы дзеянні", - адзначыў кіраўнік МАК. Аб гэтым заяўляюць палітычныя лідары як на ўзроўні ААН, так і на ўзроўні кіраўнікоў і ўрадаў дзяржаў. У якасці прыкладу Томас Бах прывёў саміт "Вялікай сямёркі" ў Японіі. Паводле яго слоў, усе ўдзельнікі саміту заявілі, што паважаюць аўтаномію спартыўных арганізацый і прыхільны да сумленных спаборніцтваў пры ўмове, калі беларускія і расійскія спартсмены выступяць у нейтральным статусе. "І я ўдзячны гэтым лідарам за іх падтрымку", - дадаў кіраўнік МАК. 28 сакавіка бягучага года Выканкам МАК рэкамендаваў дапускаць беларускіх і расійскіх спартсменаў да ўдзелу ў міжнародных спаборніцтвах у нейтральным статусе.