Трэці этап рэпетыцыйнага тэсціравання прадоўжаны да 24 мая

21 красавіка, Мінск /Кар. БЕЛТА/. Трэці этап рэпетыцыйнага тэсціравання прадоўжаны да 24 мая. Аб гэтым газеце "СБ. Беларусь сегодня" паведаміў дырэктар Рэспубліканскага інстытута кантролю ведаў Юрый Міксюк, паведамляе БЕЛТА. "Каб задаволіць попыт абітурыентаў на рэпетыцыйнае тэсціраванне і каб пры гэтым каля пунктаў іх правядзення была магчымасць аператыўна рэагаваць на сітуацыю і забяспечыць усе неабходныя рэкамендацыі, трэці этап рэпетыцыйнага тэсціравання прадоўжаны амаль на месяц (па 24 мая ўключна)", - адзначыў Юрый Міксюк. Такім чынам, ёсць магчымасць адмяніць сеансы з пераносам іх на больш позні тэрмін. Абітурыент аб гэтым аператыўна інфармуецца і можа выбраць зручную для яго новую дату ўдзелу ў РТ. "Устаноўленыя тэрміны ЦТ даюць магчымасць спадзявацца на добрыя перспектывы яго правядзення без вялікага манеўру. Калі запатрабуе сітуацыя, будуць прыняты неабходныя дадатковыя меры", - дадаў дырэктар РІКВ.