У Беларусь з Кітая даставілі 1,1 млн доз вакцыны супраць COVID-19

23 снежня, Мінск /Кар. БЕЛТА/. Сёння ноччу на аэрадром Мачулішчы з Кітайскай Народнай Рэспублікі прыбыў ваенна-транспартны самалёт з партыяй вакцыны супраць COVID-19 вытворчасці карпарацыі "Сінафарм" (Vero Cell). На борце - 1,1 млн доз прэпарату. Аб гэтым БЕЛТА паведамілі ў Міністэрстве абароны. Экіпаж ваенна-транспартнага самалёта зрабіў палёт па маршруце Мачулішчы - Пекін - Мачулішчы, пераадолеўшы ў агульнай колькасці каля 13,5 тыс. км. Палёт праходзіў на працягу 19,5 гадзіны з пасадкамі для дазапраўкі на тэрыторыі Расіі. Ваенныя лётчыкі перасеклі пяць часавых паясоў у кожны бок. "Гэта далёка не першы такі палёт у Кітайскую Народную Рэспубліку і назад. Авіябаза выконвае шырокі спектр задач, у тым ліку ў рамках міжнароднага супрацоўніцтва", - адзначылі ў Мінабароны. Кітайскі прэпарат зарэкамендаваў сябе як эфектыўны сродак супраць COVID-19, які прадухіляе захворванне і дапамагае знізіць рызыку яго цяжкага цячэння.-0- Фота "Ваяр"