У Дзяржпагранкамітэце расказалі, ці можна перасякаць граніцу на веласіпедзе зімой

21 лістапада, Мінск /Кар. БЕЛТА/. Перасякаць граніцу на веласіпедзе зімой можна пры пэўных умовах надвор'я. Аб гэтым БЕЛТА расказалі ў Дзяржаўным пагранічным камітэце. Як адзначылі ў ДПК, зімой перасякаць граніцу на веласіпедзе можна, але не пры любым надвор'і. Правілы дарожнага руху забараняюць веласіпедыстам рухацца па праезнай частцы дарогі і абочыне ва ўмовах снегападу або галалёдзіцы (п.п.153.4 п.153 гл.20). Гэтыя абмежаванні распаўсюджваюцца і на пункты пропуску праз Дзяржаўную граніцу Рэспублікі Беларусь. У ведамстве рэкамендуюць улічваць такую інфармацыю пры планаванні паездак праз граніцу на веласіпедзе.